Fejér, Georgius: Codex diplomaticus Hungariae ecclesiasticus ac civilis. Tomi VIII. Vol. 7. (Budae, 1842.)

IXXI. Einerious , Karadinensis Episcopus, censum colonorum Vi~ radinensium determinat. Av\no 1312. * Rubrica decima ociaua traditum tenet etiam et Colleg ium nostrum a senioribus eiusdem Collegii et ciuitatis nostrae Yaradien: Quod cum hospites et incolaeeiusdem ciuitatis nostrae propter arctitudinem terrarum arabilium seu vsualium agriculturae officium exercere non valebant, sed potius manuum et laborum suorum aquisitione victus vsum quaererebant, prout ad praesens quaerunt, et vtuntur; ad eorumdem humillimam supplicationem sub anno Domini milesimo trecentesimo duodecimo, Emerico Episcopo dictae ecclesiae nostrae Yaradinensi Praesidente, ipsoque consentiente , quamuis in praeiudiciuin praescripti collegii nostri, annutum sit, vt pro modio, alias Ako, ab antiquo ad cellaria nostra et mensam nostram pro victu nostro cousueto et decimis nostris more aliarum villarum nostrarum cum bladis administrare consuetis non plus , quam quilibet eorumdem hospitum et incolarum ciuitatis nostrae, in proprio fundo suo , aut conductiuo residens, quatuor cubulos cum summa mensura saepe dictae ciuitalis nostrae, Inquilinorum vero quilibet duos cubulos, quibus vtuntur in emendo et vendendo, partim tritici, et partim siliginis, provt in literis eisdem super his concessis plenius apparet. Pro dimidia vero vnum cubulum tritici cum vsuali cubulo, seu mensura ciuitatis; seruatis in exactione collectae huiusmodi quoad personas apud Ciues pro tempore residentes modo et ordine, qui in Capitulo supra proximo describuntur." Ex. actis per Oapitulum Scopusiense anno lfi99. transcriptis.