Fejér, Georgius: Codex diplomaticus Hungariae ecclesiasticus ac civilis. Tomi VIII. Vol. 6. (Budae, 1837.)

CLVIII. Capitulum Agrienae tres literas Prioris Provincialis Eremitarum S. Pauli dupplicate pariat. A. 1339. Omnibus Xti fidelibus tam presentibus-quam futuris presentes literas inspecturis Capitulum Ec~ clesie Agriensis salutem in omnium salvatore. Ad universorum noticiam Iiarum serie volumus pervenire , quod vir discretus Petrus, Archi-Diaconus de Heves, socius et concanonicus noster in persona Religiosi viri et Deo devoti fratris Petri Prioris Provincialis fratrum Heremitarum sancti Pauli Primi Heremitae ordinis sancti Augustini per Hungariam ac fratrum totius predicti Ordinis nomine in nostri presentia personaliter constitutus, exhibuit nobis tria paria Literarum privilegialium, unum videlicet olim sanctissimi Patris Domini Joannis, Divina providentia Papae vicessimi secundi, beate recordationis , cum filis sericeis rubri et crocei coloris, vera bulla plumbea ipsius Domini Papae, more Roinane Curie, bullatum. Alia vero duo paria literarum quondam Magnifici viri Stefani Palatini, Erne Bani (Irenaei Bani) fily, pendentibus sigillis triangularibus cominunita , sub tenoribus infrascriptis petens nomine quo supra et proponens, ut quia fratres predicti Ordinis literas ipsas originales propter viarum pericula et alia impedimenta non auderent de locS ad locum in specie secum ferre, idcirco eas ad huiusmodi pericula et inpedimenta evitanda nostris litteris inseri, et nostro sigillo consignari faceremus, ut si forte (quod absit, predictas literas originales casualiter amitti contingeret, saltem hujusmodi nostrae literae earum tenorem contentive apud ipsos fratres remanerent, vim originalium obtinentes, et vigorem). Quarum quidem literarum papalium tenor