Fejér, Georgius: Codex diplomaticus Hungariae ecclesiasticus ac civilis. Tomi VIII. Vol. 4. (Budae, 1832.)

tuordecim cubulos brasii, et duos cubulos kumilli, porcum vnum, aut fertonem denariorum pro eodem, de quolibet vero laneo vnum cubulumauenae, vnam tortam panis, et vnum pullum dare et soluere tenebuntur. Quilibet etiam populorum praedictae villae haereditatem suam vendendi, et alii emendi et possidendi liberam debeant habere facultatem. Ceterum, quod absit, si aliquis ex ipsis aliquod homicidium perpetraret et homicida apprehendi non posset, bona ipsius vno anno integro salua , absque omni nocumento debent remanere et conseruari: transacto vero anno, si ipse homicida satisfacere non curaret, extunc bona ipsius vniuersa in duas partes diuidantur aequales, quorum vnam medietatem dicti domini ipsius villae et heredes ipsorum recipient; reliqua medietate dicti homicidae haeredibus remanente. Assumpserunt insuper praedicti Dominus Andreas, Nicolaus et Iohannes praedictos Scultetum et populos praedictae villae , ac haeredes ipsorum, ratione praemissorum iurium ipsis concessorum, ab Egidio, fratre dicti loannis, filii Petri, et Michaele filio Nicolai, dicti Tumpa, suis laboribus, et sumptibus reddere expeditos, et expedire. In cuius rei testimonium praesens nostrum concessimus priuilegium nostri sigilli munimine roboratum. Datum feria quarta proxima post octauas Beatorum Petri et Pauli Apostolorum Anno Domini MCCCXXXIX. Ex Anal. Dipl. Wagnerio. lankouics Tomo VL p. 19. scjq. nro XVI.