Fejér, Georgius: Codex diplomaticus Hungariae ecclesiasticus ac civilis. Tomi VIII. Vol. 3. (Budae, 1832.)

LXXVIII. A. Ch. 1327. loannes PP. XX//. Lucam de Castello, Episcopatas Cumaniae administratorem in spiritualibus ac temporalibus constituit. Auen. VIII. kal. Iunii. Ioannes Episcopus — — Lucae de Castello de ordine FF. Minorum, Administratori Ecclesiae Cumanae, in spiritualibus et temporalibus auctoritate Apostolica Deputato — — Dudum de statu Ecclesiae Cumanae sollicite coqitantes et intendentes, cum eam prirno vacare contingeret, talem eidem personam praefici per Apostolicae sedis prouidentiam circumspectam , quae potest ei praeesse vtiliter Ecclesiae et prodesse, ipsius prouisionem Ecclesiae dispositioni nostrae et sedis eiusdem ea vice duximus specialiter reseruandam, decernentes irritum et inane, si quid super his contingeret attentari; sane cum eadem Ecclesia per obitum bonae memoriae Leonis Episcopi Cumaniae, vacet ad praesens , et diu vacauerit, nullusque praeter nos possit seu potuerit de prouisioue ipsius Ecclesiae se hac vice intromittere, obstantibus reseruatione, et decreto praedictis; Nos praecauere dictae Ecciesiae iudemnitatibus cupientes, et de tuae circumspectionis industria plenam in Dornino fiduciam obtinentes, te administratorem ipsius Ecclesiae in spiritualibus et temporalibus authoritate Apostolica vsque ad nostrum et ApostoJicae sedis beneplacitum deputamus , faciendi, ordinandi, mandandi, gerendi, exercendi, exequendi omnia et singula, quae ad huiusmodi administrationis officium pertinere noscuntur; alienatione bonorum immobilium eiusdem ecclesiae tibi penitus interdicta ; nec non contradictores et rebelles quoslibet per censuram ecclesiasticam, apTom. VIII. Vol. 111. 16