Fejér, Georgius: Codex diplomaticus Hungariae ecclesiasticus ac civilis. Tomi VIII. Vol. 1. (Budae, 1832.)

CCXCVIII. Ch. 1315. Capitulum Varadiense possessiones nonnullas per Comitem Reynoldum Capitulo Kcclesiae Transyluanae mortis causa donatas attestatur. s. I. et d. Capitulum Ecclesiae Varadiensis ad vniuersorum notitiam volumus peruenire, quod Nobilis vir Comes Renoldus, filius Ioannis de genere Kukenefeindl (Kukenefewld ) coram nobis personaliter constitutus, religiose cogitans terrena coelestibus, temporaliaque spiritualibus commutare, volensque Christum sibi constituere heredem, quasdam villas suas in districtu possessionum suarum , in partibus Transiiuanis existentium constitutas , videlicet Aknay, Kumloud, et Nulas vocatas cum omnibus vtilitatibus suis sub signis, metis ac distinctionibus cultas, et signatas ab antiquo donasse, dedisse, reliquisse, ac legasse est confessus, et coram nobis viua voce, sana mente, spontaneaque voluntate donauit, reliquit, ac legauit honorabili Capitulo EccJesiae Transiluanae perpetuo iure donationis possidendas; tali conditione interiecta, vt vsque ad vitam eiusdem comitis Renoldi idem easdem villas possidebit pleno iure: cum autem vocante Domino de hac vita migrauerit, villae praenotatae ad Capitulum Ecclesiae Transiluanae praedictae sine difficultate et contradictione cuiuslibet non obstante, deuoluantur pleno iure, et ipsum Capitulum iuue haereditario , tanquam haeres verus constitutus, in proprietatem et possessionem introducantur earumdem. In cuius rei etc ad instantiam et. petitionem praedicti Comitis Renoldi, discretorumve virorum Magistrorum Ioannis Albensis, et Be-