Fejér, Georgius: Codex diplomaticus Hungariae ecclesiasticus ac civilis. Tomi VIII. Vol. 1. (Budae, 1832.)

Strigon. eiusdemque loci Comes perpetuus. Discretis viris, dilectis sibi in Christi filiis, Vniuersis Plebanis Ecclesiarum Sacerdotibus de districtu Tharczensi j salutem et benedictionem paternam. Petitionis Vestrae series per discretos viros, Petrum Plebanum de Tharcza, Vice-Archidiaconum, Nicolaum de Criuan, et Henricum de septem tiliis voce et nomine Vestro nobis porrectae continebat: quod, cum vos omnesvsque ad antiquam portam ad Praepositum Ecclesiae S. Martini de Scepes pertinentes, habere dignoscamini, et habeatis liberas decimas, sicut nobis ex litteris Discreti viri Magistri Pauli Praepositi eiusdem Ecclesiae S. Martini innotuit, confirmare dignaremur; videlicet Distractores, seu defalcatores earum decimarum, qui plene non soluunt, excommunicationissententia feriendoet compellendo ad soluendum plene. Item ne sicut Mercenarii elapso anno ad suggestionem maleuolam aliquorum de Ecclesiis Vestris valeatis excludi et expelli. Item ne bona decedentium Sacerdotum per laicales manus seu potentias seculares contra vltimam voluntatem eorum distrahantur ; et ne ad res legatas vobis in testamento pro remedio animarum admittantur manus Laicorum. Item cum inter vos Confraternitatem ordinaueritis, consensum Ordinationi Vestrae praeberemus, et confirmaremus, ipsisque diebus, quibus ipsam confraternitatem celebratis, ad ipsum locum accedentibus, simul cum iis , qui ad locum sepulturae in die obitus confraternitatis Vestrum accedunt, indulgentias dare dignaremur. Nos itaque iustis petentium petitionibus fauorabiles esse debemus, et dignum est, vt iuste petitis consensum praebeamus, volentesque ad singula pe-