Fejér, Georgius: Codex diplomaticus Hungariae ecclesiasticus ac civilis. Tomi VII. Vol. 5. (Budae, 1841.)

versalem Ecclesiam in funclamenti ipsius soliditate constituens, necessitatem sollicitudinis quam habemus cum his, qui Nobis collegii caritate iuncti sunt, sociamus. Annuentes igitur petitionibus carissimi filii et fratris nostri Gerardi, quem nostris, tanquam Beati Petri, manibus Ragusiae ciuitati Archiepiscopum per Dei gratiam consecrauimus, et ad exemplar Praedecessorum nostrorum eandemEcclesiam priuilegii nostri pagina communiuimus, statuentes, yt omnes Parochiae, quas praeleritis temporibus possedisse cognoscitur, eidem Archiepiscopo quiete in futurum et integre conseruentur. Insuper ad confirmationem priuilegiorum vicem nostram ei commisimus in eisdem tantum Episcopatibus, qui in priuilegiis suis leguntur, videlicet in regno Zacolmi et Regno Seruiliae, Tribuniaeque regno , ciuitate quoque Catharinensi, seu Rosae, Buduanensi, Avarorum, Vlcinatensi Liciniatensi, Scodriensi, Driuastensi et Pollatensi, cum Abbatiis, Ecclesiis et Parochiis earum, cui in his, quae ad ecclesiasticam pertinent disciplinam, vt dilectio vestra pareat, admonemus. Non enim tam illi obtemperabitis quam nobis, qui hoc illi pro nostra sollicitudine per illam provinciam cognoscimus comisisse. Ad Synodum quicunque euocatus fuerit, occurrat, nec congregationi se deneget, in qua ad Deum pertinentes causas nouerit esse tractandas. Quidquid causarum, vtassolet, inter consacerdotes evenerit, eius, cui vicem nostram commisimus, examini reseruetur, vt illo sub timore Dei Praesule omnis ambiguitas finiatur. Nihil in eius aut nostram contra haec, quae constituimus, praesummatur iniuriam, eius uobis relatione, si quid referendum fuerit , innotescat. Ita enim vos ad illius ius pertinere volumus, vt ad