Fejér, Georgius: Codex diplomaticus Hungariae ecclesiasticus ac civilis. Tomi VII. Vol. 5. (Budae, 1841.)

CCCXCIV. Ladialaus R. H. Comitem Pousam, ac fratrem eius Guechem, ob fidelia seruitia, speciali e gratia a iurisdictione Comitis Crisiensis exemptum, solius Bani totius Sclauoniae reseruat. A. 1276. Ladislaus Dei gratia Hungarie, Dalmatie, Croatie, Rame, Seruie, Gallicie, Lodomerie, Cumanie, Bulgarieque Rex. Omnibus Christi fidelibus tam presentibus quam futuris salutem in salutis largitore. Ad vniuersorum notitiam harum serie volumus peruenire: quod Nos consideratis gratiosis et meritoriis seruitiis fideliuin nostrorum Comitis Pouse, et Magistri Gueche fratris sui, que nobis in etate tenera constitutis, in diuersis expeditionibus nostris Cum omni fidelitate impenderunt, et nobis semper solita fidelitate adheserunt tempore discriminis, variantibus et disturbantibus Baronibus regni nostri, propter quod vniuersi populi ipsorum in regno Sclauoniae constituti per continuos insultus et bella intestina Baronum inter se dimicantium destructi fuerant penitus et dispersi; volentes eos regio prosequi cum fauore, eosdem Comitem Pousarr: et magistrum Guechem, ac vniuersos populos ipsorum in Crisiensi et Symigiensi Comitatibus, videlicet vltra Drauam i« Vrbanana et Chanaburda, in Rathina existentes, a iudicio et iurisdictione Comitis Crisiensis existentis pro tempore constituti , in omnibus et per omnia de speciali gracia perpetuo duximus eximendos, reseruantes, seu relinquentes eos duntaxat iudicio Bani tocius Sclauoniae, qui similiter fuerit pro tempore constitutus, Quare volumus et Bano tocius Sclauoniae pro tempore constituto praecipiendo mandamus, quatenus eosdem Comitem Pousam et Guechem fratrem eius ac predictos populos eorum Tom. VII. Vol. V. 38