Fejér, Georgius: Codex diplomaticus Hungariae ecclesiasticus ac civilis. Tomi VII. Vol. 5. (Budae, 1841.)

ordine, ut sub monastico habilu et ordine illum possideant ipsi et successores eorum absque omni impedimento nostro vel successorum nostrorum, et quidquid aedificare vel agere voluerint in usibus suis, edificent, libereque agant, et juxta regularem consuetudinem omnino ordinent, et dispensent ipsi, ut diximus, et successores eorum absque omni impedimento nostro vel successorum noslrorum, quousque Coelica virtus hunc monasticum ordinem illo in loco haberi permiserit. Si quis vero aut modo aut postea hoc nostrum reprehendere decretum attentaverit, omnibus clare videntibusmanifesta (sic) erit, illum non causa amoris Dei, sed diabolico instinctu velle destrui hoc, quodcongruit saluti omnium nostrum: et ld circo illum anathematis verbere ferimus, ut si corrigi noluerit, et eis de hac re contradicere presumpserit, eisque vel successoribus eorum molestiam inferre temptaverit, ubique eum subsequatur maledictio Patris et Filii et Spiritus Sancti et extraneus sit ab Ecclesia Dei, utque Seggregatus a consortio Regni coelestis et communione iustorum. Hoc iudiciale decretum promulgatum a nobis omnibus Iudicibus , Nobilibusque supra dictae civitatis, scriptumque per manus Petri Diaconi et Notarii. An. mense, et Indictione supra nominata." Ex originali apud eundem Farlatum 1. c. fol. 44—45. E tenore harum claret, civitatem Ragusanam hoc tempore clientelam Imperatorum Bizantinorum coluisse; mo\ Principum Serbliae, demum regum Hungariae subiit. Confer etiam documentum a Lud. Muratorio.Antiqu. Italicanum Tomo IV. Dissert. L. II. exhibitum.