Fejér, Georgius: Codex diplomaticus Hungariae ecclesiasticus ac civilis. Tomi VI. Vol. 2. (Budae, 1830.)

ascendentibus ex aduerso virtute induti ex alto, promtae sollicitudinis studio se opponunt. Sane cum tu, fili charissime, zelo fidei ac deuotionis incensus, per dilectum filium Marinum Archidiaconum Antibaren. tuae Celsitudinis nuncium , Apostolatui nostro duxeris humiiiter supplicandum , quod cum in partibus Bosnae, tuae ditioni subiectis , sint quam plurimi haeretica prauitate infecti, qui a semita veritatis auersi, per falsitatis deuium damnabiliter oberrantes, in aeterni regis contemtum, animarum suarum euidens periculum, et scandalum fidelium , fidem catholicam deprauare , perniciosis seu pestiferis "fcuis assertionibus multipliciter moliuntur; aliquas personas idoneas , regionis illius idiomatis non ignaras, quarum conuersatio , cum salutari eorum doctrina concordans, intuentibus normam honeste viuendi tribuat, et exemplum puritatis, mittere diguaremur ad partes illas; vt huiusmodi erroris eliminata caligine, ministerio earumdem habitatores illarum partium ad agnitionem verae fidei, superni luminis irradiante gratia, salubriter reducantur; tuum oflbrens consilium et auxilium ad errorem eumdern de dictis partibus radicitus exstirpandum. Nos, qui , licet immeriti, Iesu Christi regis aeterni, humani generis rederntoris, vices gerentes in terris, grandi desiderio singulorum salutem appetimus, et ad ampliandum cultum fidei Christianae , submotis quibuslibet obstaculis, totis desideriis aspiramus, de huiusmodi tuo laudabili et salubri proposito, intra mentis nostrae praecordia exultantes multiformiter, et liegi Regum proinde ad gratiarum actiones suppliciter assurgentes, supplicalioni huiusmodi ex feruore magnae deuotionis, et integritate fldei procedenti, fauorabiliter duximus annuendum. Dile-