Fejér, Georgius: Codex diplomaticus Hungariae ecclesiasticus ac civilis. Tomi VI. Vol. 2. (Budae, 1830.)

A. Ch. 1296. /c/.-m Andreas priuilegium Dionysio, filio IurJc , a Ladislao Chuno datum confirmat. Andreas, Dei gratia, Hungariae, Dalmatiae, etc. Rex. Omnibus Christi fidelibus, tam praesentibus, quam futuris, praesens scriptum inspecturis, salutem etc. Regiam decet Maiestatem petentium conscendere optatis subditorum: horum maxime, qui sibi tempore opportuno commendabilem famulatum in functione fidelitatis impendisse dignoscuntur. Proinde ad vniuersorum notitiam tenore praentium volumus peruenire: Quod Dionysius, filius Iurk, fidelis noster, ad nostram accedens praesentiam, exhibuit nobis priuilegium Regis Ladislai, Patruelis fratris nostri charissimi, inclite recordationis, super facto terrae Dobor et Adam in Raduan confectum ; petens a nobis ctim instantia, vt ipsum priuilegium ratum habentes et nostro priuilegio dignaremur confirmare: Cuius quidem priuilegii tenor talis est: Ladislaus ( vide ad annum 1287.) Nos itaque ipsius Dionysii iustis precibus fauorabililer inclinati, et quia inspectum priuilegium non abrasum et cancellatum, nec in sui parte vitiatum , tenore eiusdem de verbo ad verbum praesentibus inscribi faciendo, idem priuilegium ratnm habendo et acceptum, auctoritate praesentium confinnamus, dupplicis sigilli nostri munimine roborando. Datum per manus Venerabilis Patris Theodori, Dei gratia, Episcopi Iaurinensis, aulae nostrae Vice - Cancellarii, dilecti et fidelis nost.ri. Anno Domini MCCXCVI. regni autem nostri anno VII. Ex autltentioo transumto Capituli Strigoniensis ddo A. 1358. in octauis festi Epipbaniae Domini.