Fejér, Georgius: Codex diplomaticus Hungariae ecclesiasticus ac civilis. Tomi V. Vol. 3. (Budae, 1830.)

efferebant, soliti sant nominari. Tales nostratibus fuerant primi ordinis: Comes Palatinus, Comes Curiae Regiae, Banus Sclauoniae, ac Yaiuoda Transiluanus ; secundi ordinis: Tauernicorum, Agazonum, Dapiferorum , Pincernarum, Magistri Regii, ac R.eginales. Curiae Regiae, ac Ianitorum Magistri serius accesserunt; Comites de Weglia, per priuilegium facti sunt illius muneris compotes, Magistrorum nomen honorificum olim domi nostrae Baronibus regni secundariis fuerat proprium, Decretorum item Doctoribus. Crescente subin ambitione Duces et Principes, item Comites, Barones creati sunt, qui nec sanguinis nexu excellebant, nec Principi adessent, nec prouinciam aut Comitatum regendum haberent etc. Sed aut meritis suis , aut Principis gratia, eas dignitates titulo tenus obtinerent. Comitum ac Banorum nomen a gestis prius ludicatus aut Rectoratus muneribus, gratia Principum, fuit vsurpatum;