Fejér, Georgius: Codex diplomaticus Hungariae ecclesiasticus ac civilis. Tomi V. Vol. 3. (Budae, 1830.)

ctorum proxime praeterita , de Vereucze et de Lipoua villicos, viginti quatuor seniores , maiores et iuratos vtriusque villae, pro eo quod terna admonitione legitima praemissa , decimas venerabili Patri , Domino Thimotheo, Zagrabiensi episcopo , et ecclesiae suae debitas, exoluere non curarunt, nec satisfacere de subtractis, sicut in Vestrae Paternitatis litteris continetur, Vestrarum fretus authoritate Jitterarum, post euangelium decantatum , tam in nostra , quam in plurimorum Nobilium praesentia , qui illo die ad diuinum oflicium et praedicationem audiendam conuenerant , publice excommunicatos denunciauit nominatim, et suam sententiam in scriptis fecit Jegi , et recitari, ac vulgariter populo interpretari ; et totam terram Dominae reginae senioris , ad Comitatum de Vereucze pertinentem , ecclesiastico subiecit interdicto, et in conclusione sui anathematis fecit campanas pulsari, et candelas exstingui ; et praedictas excommunicationum et interdicti sententias , per Vice-Archidiaconos suos tam in praedictis villis , scilicet de Vereucze et Lipoua, quam etiam in toto Comitatu de Vereucze feliciter solenniter publicari, denunciari et strictius obseruari; et quia publici Notharii, siue Tabelliones in partibus istis non existunt, ad fidem adstruendam vestrae Paternitati de suo processu, nostras litteras super hoc testimoniales requisiuit instanter; et nos ad ipsius petitionem et instantiam pro sui processus testimonio vestrae Paternitati transmisimus nostro sigillo authentico consignatas. Datum et actum in choro Ecclesiae Chasmensis , sequenli die post octauas OO. SS. proxime praeteritas. Anno ab Incarnatione Domini 1280.