Fejér, Georgius: Codex diplomaticus Hungariae ecclesiasticus ac civilis. Tomi V. Vol. 3. (Budae, 1830.)

lale el quantitate eiusdem terrae, seu siluae nobis ad plenum veritas non constat, fidelitati vestrae praecipiendo mandamus , quatenus mittatis hominem vestrum pro testimonio fide dignum, coram quo Horhath Cencio de superiori villa Custodum villarum nostrarum de Zolyom, homo noster sciat et inquirat super praedictae siluae, seu terrae omnimoda veritate, et si ipsam siluam seu terram vacuam, et inhabitatoribus destitutam, nec venationi, nec piscationi congruentem, inuenerit; ex tunc reambulet ipsam, conuocatis omnibus commetaneis et vicinis, et statuat eidem Magistro Philippo cum omnibus vtilitatibus et pertinentiis suis iure perpetuo possidendam, si non fuerit contradictum; contradictores vero , si qui fuerint, ad nostram euocet praesentiam, ad terminum competentem. Post haec autem diem citationis et terminum, nomina contradictorum , cursus metarum , simul cum totius facti serie, nobis fideliter rescribatis. Nos igitur Vestro obtemperantes mandato, vt debemus, misimus vnum ex nobis, Magistrum Nicolaum , Archi-Diaconum Neogradiensem simul cum eodem Horchath Cencione , homine vestro ad praedictum negocium exequendum, qui postmodum ad nos cum eodem homine Vestro reuersi, concorditer retulerunt: quod praesenti homine ct ofliciali Nicolai Comitis de Zolyom, videlicet Thoma, fdio Caruli, accessisset super faciem terrae , seu siluae Ponik dictae, et eam sciuissent, vidissent et inuenissent desertam , vacuam et habitatoribus per omnia destitutam ; non venationi con— gruentem, neque aquae et vtiles sunt in eadem piscationi, in omnibus et per omnia Vestrae collationi de iure pertinentem. Praesentibus scilicet Tom.V. Vol. III. 8