Fejér, Georgius: Codex diplomaticus Hungariae ecclesiasticus ac civilis. Tomi V. Vol. 1. (Budae, 1829.)

Cumaniae, Bulgariaeque Rex. Omnihus Christi fi~ delibus, praesentes litteras inspeeturis, salutem in omnium Saluatore. Sicut in multitudine gentis regum gloria et honor attenditur in gubernando, sic in conseruationibus munitionum regni defensio, et subditorum multiplex commodum procuratur. Hinc est, quod ad vniuersorum notitiam tam praesentium, quam posterorum, harum serie voluimus peruenire: placuisse nobis et placet, hospites nostros de Iaurino, ad castrum transf e r r e Iauriense; permansuros de cetero in lpso castro, in illa et eadem libertate, qua Ciues et hospites nostri Albenses gratulantur, exemtos nihilominus a iudicio, iurisdictione, potestate et iudicatu Comilis Iauriensis, et curialis Comitis sui, perpetuo et pariter expeditos ; ita videlicet: quod villicum, quem de castro voluerint, eligant inter se, quem electum nobis praesentabunt, et nos ipsis confirmabimus; qui omnes causas ipsorum tam maiores debeat et possit iudicare ; et si idem villicus iustitiam querulantibus facere recusaret, non hospites, sed viilicus ad nostram praesentiam iuxta regni consuetudinem euocetur. Absoluimus et eosdem et expedimus a solutione dimidii fertonis, quam ratione terragii comiti Iauriensi soluere debent annuatim; iuxta continentiam prioris p r i u i 1 e g i i nostri de qualibet mansione. Praeterea concessimus eisdem liberum forum, tam in castro, quam exterius celebrandum; vbi Comes Iauriensis et eius officiales nullam penitus iurisdictionem poterunt exercere; hoc solum et specialiter in praesentibus declarato, quod tributum fori, quod die Sabbathi in villa Iauriensi celebratur, Comes Iauriensis percipiet plenarium, quemadmo10 *