Fejér, Georgius: Codex diplomaticus Hungariae ecclesiasticus ac civilis. Tomi V. Vol. 2. (Budae, 1829.)

debet omnino coniunctio; sed et suspicantium corda ponere in tranquillo. Ad obseruanda igitur illi cum meinorato genitore ipsius inita foedera tanto efficacius tuam debet excellentiam horum consideratio inuitare, quanto iudicium est de praeterito certius , ea per ipsum non esse hactenus violata ; et de futuro verisimilius credi potest , nec in posterum yiolanda. Adiicit autem ad seruandae a te huiusmodi obseruationis instantiam , quia si quis in eodem genitore vel eius subditis forsan argui possit excessus; idem rex Ladislaus ad emendationem cum debitae satisfactionis promtitudine, iuxta conuentiones, in foederibus praedictis adiectas, dicitur esse votiuus; et quia ncc gloriosum foret celsitudini regiae, nec gloriae regali magnificum, in pupillum insurgere, aut aetatem tam teneram impugnare; Ideoque Serenitatem regiam monemus, rogamus et hortamur in Domino Iesu Christo, in remissionem tibi peccaminum suadentes , quatenus praedictas conuentiones diligenter obseruans, ab omni memorati regis Ladislai, suorumque offensa , et iniuria studeas penitus abstinere; in hoc non solum eiusdem regisLadislai, et carissimae in Christo filiae nostrae, Isabellae, consortis ipsius, natae carissimi in Christo filii nostri, Regis Siciliae illustris , aetati deferens; sed ad eumdem regem Siciliae, virum excellentiae tantae ac virtutis, cui Celsitudini tuae vtile fore credimus in sinceritate caritatis vniri , prout te decet, attendens nostrisque monitionibus, quae honorem etiam tuum respiciunt, quum tuae magnitudini congruat promissa seruare ; taliter aquiescens, quod ad tua commoda memorati regis SiciTom. V. Vol.II. 5