Fejér, Georgius: Codex diplomaticus Hungariae ecclesiasticus ac civilis. Tomi V. Vol. 2. (Budae, 1829.)

scopi, et suis successoribus perpetuo et irreuocabiliter possidendam , cum omni plenitudine sui iuris; hoc non praetermisso , quod ad aedificationem loci iam assumti pro claustro B. Annae, Archiepiscopus, qui est, vel qui pro tempore fuerit', semel tantum, et non pluries , viginti marcas pro > aeterna eleemosyna post mortem ipsius Lectoris soluere teneatur. Litteras vero priuilegiales Regum Belae et Stephani super eadem villa Hetyn obtentas, et datas promisit Archiepiscopo Strigoniensi reddere sine diminutione; et si quas ex ipsis non restitueret, vel casualiter perdere contingeret, vigore carerent , si coram quouis iudice contra Ecclesiam Strigoniensem fierent praesentatae. Nihilominus hoc adiecto, quod idem Magister Sixtus Lector eandem possessionem Hetyn , donec sibi vita comes fuerit, non tanquam proprietarius, sed tanquam vsum fructum percipiens, a modo in posterum donatam ab Archiepiscopo possidebit, nec aliquid vltra de eadem habebit ordinare. Item Magister Valentinus Cantor de eadem possessione sua aquisititia, Kyskezu nominata , taliter ordinauit, quod eandem Beatissiinae Virgini Margarethae et eius arae, in Ecclesia Cathedrali Strigoniensi fundatae, duobus sacerdotibus Magistralibus , Missam pro defunctis celebrantibus, perpetuo et irreuocabiliter cum suis vtilitatibus condonauit; litteras autem super possessione praedicta obtentas priuilegiales regum Belae et Stephani, felicium recordationum , coram nobis reddidit et tradidit Magistris arae praenotatae; adiecerunt etiam: quod si Dominus Archiepiscopus illam intentionem salubrem, quam vna cum capitulo suo in lucem deduxerunt, vellet et posset deducere in effectum ;