Fejér, Georgius: Codex diplomaticus Hungariae ecclesiasticus ac civilis. Tomi V. Vol. 2. (Budae, 1829.)

nem interficere, seu violentiam audeat exerrere. Praeterea omnes libertates et immunitates a Praedecessoribus nostris Romanis Pontificibus Monasterio vestro concessas, nec non libertates et exemtiones secularium exactionum a regibus et Principibus, vel aliis fidelibus rationabiliter vobis indultas, auctoritate apostolica confirmamus , et praesentis scripti priuilegio communimus. Decernimus ergo, vt nulli omnino hominum liceat praefatum Monasterium temere turbare, nec eius possessiones auflerre, vel ablatas retinere, minuere, seu quibuslibet exactionibus fatigare; sed omnia integre conseruentur. earum, pro qunrum gubernatione de sustentatione concessa sunt vsibus omnimodis , praesertim salua apostolica authoritate, et diaecesanorum Episcoporum canonica iustitia. Si qua igitur in futurum Ecclesiastica, secularisue Persona hanc nostrae constitutionis paginam sciens, contra temere venire attentauerit, secundo tertioue monita, debita satisfactione non correxerit, potestatis, honorisque sui careat dignitate, reamque se diuino iudicio existere, de perpetrata iniquitate cognoscat, et a sacratissimo corpore ac sanguine Dei et Domini redemtoris nostri Iesu Christi aliena fiat, atque in extremo examine districtae subiaceat vltioni; cunctis autem eidem loco sua iura seruantibus sit pax Domini nostri Iesu Christi , et hi fructum bonae actionis percipiant, et apud districtum iudicem praemia aeternae pacis inueniant. Amen. Amen. E collect. "VVagneriano - Jankovichiana sufo lit. E. nro 27. pag. 299. sq".