Fejér, Georgius: Codex diplomaticus Hungariae ecclesiasticus ac civilis. Tomi V. Vol. 2. (Budae, 1829.)

tum fecissemus expugnari, dictus Comes Andreas, et filii sui, in ipsa pugna, coram oculis nostrae Maiestatis, grata seruitia, et omni remuneratione digna impenderunt. Ceterum cum Barones nostros, et fideles regni nostri contra Regem Bohemiae misissemus, et idem Bohemiae Rex de potentia Baronum et aliorum Nobilium nostrorum castrum nostrum Loua (Loa) vocatum recepisset; Thomas Comes, filius eiusdem Comitis Andreae, mortis euentum non formidans, se pro salubritate regiminis nostri, diuersis fortunae casibus submittendo , in oppositam aciem et aduersam irruens, quosdam deiecit, et quosdam interemit pugnando viriliter, donec lethaliter fuisset sauciatus. Ob aliqualem igitur recompensationem seruitiorum ipsius Comitis Andreae, et filiorum suorum infirmorum, quae ob defensionem coronae nostrae et propter commodum regni nostri, locis et temporibus exhibuerunt opportunis, saepidictam terram Belad, licet modicum videatur ratione meritorum, ipsi Comiti Andrae et filiis suis , ac filiorum suorum haeredibus, et eorum successoribus, cum consilio omnium Baronum nostrorum, dedimus, donauimus, iure perpetuo et irreuocabiliter possidendam; a iurisdictione castri Borsiensis eximentes, nec non auferentes. In cuius rei memoriam, perpetuamque firmitatem, praesentes concessimus litteras, dupplicis sigilli nostri muniinine roboratas. Datum per manus Venerabilis viri, Magistri Benedicti, Sanctae Strigoniensis Ecclesiae electi, perpetui Comitis loci eiusdem, Praepositi Budensis, aulae nostrae Vice-Cancellarii, dilecti et fidelis nostri. Anno Domini MCCLXXV. Quarto Idus Febr. Venerabilibus Palribus Stephano Colocensi, et Ioanne Spalatien-