Fejér, Georgius: Codex diplomaticus Hungariae ecclesiasticus ac civilis. Tomi V. Vol. 2. (Budae, 1829.)

.4. C/i. 1274. Confirmatio Donationis prioris LaJislai pro Andrea Comite de Bana super Vasarfalu. Ladislaus, Deigratia, Hungariae, Dalmatiae, Croaeiae, Rauiae, Galliciae, Lodomeriae Cumaniae, Bulgariaeque Rex. Omnibus Christi fidelibus praesentem paginam intuentibus salutem in omnium saluatore. Officii nostri debitum dignis retributionibus obsequiorum inuigilat subiecloruin; dum enim ipsorum grata remuneratur obsequia, dum digna recompensamus merita, ad obsequendum fidelius fidelium animos incitamus. Proinde ad vniuersorum notitiam harum serie volumus peruenire, quod Andreas filius Ivanca Comes de Bana dilectus et fidelis noster, in cuius et filiorum suorum commendabilibus obsequiis tam nos, quam Pater noster, et Auus IUustres Reges Hungariae frequenter quieuerunt; ad nostram accedens praesentiam exhibuit nobis patentes Litteras Dominae Reginae Charissimae Matris nostrae, super collatione cuiusdam terrae Reginalis Vasarfolu vocatae traditas et concessas ; petens cum Instantia, vt collationem eandem ratificando tenorem ipsorum litterarum in nostro inseri Priuilegio faceremus, et auctoritate regia confirmare. Quarum tenor talis est. (Vide Donationem Elisabethae A. 1274.) — Nos itaque ipsius Comitis Andreae gratum obsequium cum summa fidelitate eidem Dominae Reginae matri nostrae necessitatis suae tempore exhibitum, nobis factum, dictamque summam pecuniae sibi mutuatam pro nostra persona dispensatam et datam esse per omnia reputantes, collationem huiusmodi ex certa scientia, et mera liberalitate ratificando approbamus — — — In cuius rei memoriam firmitatemque perpetuam praesentes concessimus litteras duplicis