Fejér, Georgius: Codex diplomaticus Hungariae ecclesiasticus ac civilis. Tomi IV. Vol. 3. (Budae, 1829.)

quod iuxta litteras domini et carissimi patris nostri, praesentatas nobis, super terris Petri et Pauli iobbagionum Castri de Koastii, Wayszlo vocatis, per eosdem praedictae ecclesiae B. Yirginis collatis , dare litteras nostras dignaremur; et earumdem collationem nostrarum litterarum patrocinio confirmare; quarum quidem litterarum tenor est talis (V. s. ad annum 1267.) Nos itaque iustis petitionibus ipsius. Dominae sororis nostrae karissimae, et aliarum etiam Dominarum sororum de ecclesia memorata annuentes , easdem litteras carissimi patris nostri confirmari fecimus de verbo ad verbum nostris litteris inserentes , et ipsam collationem ratam liabentes, per omnia approbamus. In cuius collationis perpetuam memoriam et confirmationem praesentes dedimus , sigilli nostri munimine roboratas. Datum in Patak, anno Domini MCCLXVIII. " Apud Schmitth Epp. Agr. Tom. I. p. 182. Katona Tom. VI. pag. 488. A. Ch. 1268. Idem Stephanus priuilcgium Gallo , Episcopo Transiluaniae, a Patre suo concessum, roborat. Stephanus , Dei gratia, iunior rex Hungarie , dux Transiluanus, dominus Cumanorum, omnibus Christi fidelibus , presentem paginam inspecturis, salutem in omnium Saluatore. Iustis petentium desideriis prebere assensum ius ammonet, et pietas requirit, hoc idem postulat ordo iuris. Hinc est, quod vniuersorum notitie harum serie declaramus, quod venerabilis Pater Gallus, Dei gratia episcopus Transiluanus, ad nostram accedendo presen-. tiam priuilegium Domini regis;, patris nostri ka-