Fejér, Georgius: Codex diplomaticus Hungariae ecclesiasticus ac civilis. Tomi IV. Vol. 3. (Budae, 1829.)

lilatibus et pertinentiis suis, et vado supradicto, de nouo conferendam: verum quia nobis veritas non constabat, vtrum eadem particula terrae sine contradictione et inhibitione commetaneorum, vi~ cinorum , eidem Zobuzlo, et proximis suis memoratis statui possit nec ne; fideli nostro Gregorio , tunc Comit.i de Ungh nostris litteris dederamus in mandatis, quatenus praefatam terram ipsi Zobuzlo et dictis proximis suis statueret coram commetaneis et vicinis ; qui Comes Gregorius nobis deinde rescripsit in hunc raodumJ vt praefatam terram sub praedictarum metarum cursibus existentem, cum omnibus vlilitatibus et pertinentiis, ac vado supradicto, ipsis statuisset, praesentibus vicinis et commetaneis, plerisque lobbagionibus Castri de Vngh nullo penitus contradictore inibi apparente. Yt autem haec a nobis facta donatio robur obtineat perpetuae firmitatis, nec possit ab aliquo processu quondam in irritum reuocari, praesentes concessimus litteras dupplicis sigilli nostri munimine roboratas. Datum anno Domini MCCLXV. XIII. Kal. Martii, regni autem nostri anno XXX. " E Coll. Dipl. Fejervario - Jankovichiana. Tom. III. nro. 343. A. Ch. 1265. Iderrt Bela litem Nobilium de Zitlo super villa Zalathna et Verebuna, Ecclesia item $. Nicolai , contra jl. Episcopos Strigonienses agitatam, componit. Nos Bela, Dei gratia, Rex Hungariae, memoriae commendantes significamus vniuersis, quibus expedit, praesentium per tenorem : Quod cum