Fejér, Georgius: Codex diplomaticus Hungariae ecclesiasticus ac civilis. Tomi IV. Vol. 2. (Budae, 1829.)

episcopo Colocensi, quandam terram Fizegh ( alibi Firegh) nomine, contiguam et commetaneam terrae Archiepiscopatus emerat a Pethur (Petku) et suis Fratribus, filiis Gregorii; et ipso Domino nostro Archiepiscopo tam emptorem, quam venditorem conueniente et conuincente; idem Gregorius medietatem ipsius terrae Fizeg secundum conuentionem prouide factam et discrete, reuendere pro 15. marcis argenti debebat; sed nec ipse Archiepiscopus, neque nos propter multas n e cessitates, quibus opprimebamur propter excidium Tartarorum, ipsas 15. marcas soluere poteramus; praesertim cum solutionem ipsarum marcarum idem Gregorius non differret. Cum itaque terra Sebastiani, filii Thomae, nomine Petul, in Comitatu Bachiensi constituta ad venerabilem Patrem , D. Benedictum Archiepiscopum supra dictum fuisset, vtpote ipso Thoma haeredem non habente, deuoluta de collatione regia, et dictum Thomam filium quemdam claudum compertum fuisset habuisse, Sebastianum videlicet supra dictum , ad quem ipsa terra Petul reuolui debebat ; ideo D. noster Archiepiscopus more pii patris considerata ipsius Sebastiani debilitate, et maxime intuitu Dei compatiendo , sibi per omnimodam prouisionem eundem studiose procurasset ; idem Sebastianus nolens esse ingratus tantae gratiae, dum se de ipsa terra Petthul, in cuius pacifica fuit possessione, ad alias suas terras, suosque cognatos transferret, dictam terram Petthul totaliter, sicut Pater eius, et ipse tenuerat, Archiepiscopatui contulit sua praecipue pro salute possidendam , sic Dominus Archiepiscopus solito vt antea feruens amore erga ipsum conside-