Fejér, Georgius: Codex diplomaticus Hungariae ecclesiasticus ac civilis. Tomi IV. Vol. 2. (Budae, 1829.)

fleri et locari, cuius ciuitatis noraen sit Nouum Forum, singulos et omnes mansos centum, si tot vel plures possint invenire , inter fluuios Os trovszka et Rogoznik , a fluuio Lepietnica ad Castrum Saflariense, a quibus per octo Scotos prefati conuentus Abbas, vna cum Fratribus exigere potest. Statuimus in eadem Ciuitate Aduocatum , per eundem Abbatem ex ciuibus iuratis, nostri tamen consensus requisitione, facta electione, constitutum; ita eciam, quod in his mansis ciues et omnes homines locati, coram vllo , quam coram Aduocato, iure Theutonico Noui Fori, ipsi in omnibus cogendi sint litigare; sed hec: decisioCapitis, membrorum mutilacio, consensui nostro reseruamus ; cui Aduocato concessimus octo mansos liberos ad fluuium Osztrovszko , in teloneo duos, molendina, tabernas, et omnem liquorum, vna cum tota Communitate, emulationem: ex quibus mansis ad expeditionem bellicam vnum , aliquando duos, ex toloneo alterum expediat. Ad extremum his priuilegiis gaudeat Nouum Forum, quibus gaudet Ciuitas Cracouie et alie Ciuitates nostre, iure Theutonico fundate. Yt autem hec nostra concessio in omnibus punctis, conditionibus et articulis in perpetuum robur et vim obtineat et semper sine omni suspicione permaneat, presenti priuilegio proinde sigillum nostrum est subappensum. Datum Cracouie, Anno Millesimo, Ducentesimo , quinquagesimo secundo. In octaua Corporis Christi. Presentibus Prandota Episcopo Cracouiensi, Clemente Cracouiensi, Bouslao Sandomiriensi Palatinis, Mirsone Cracouiensi et Cislao Sandomiriensi Castellanis. " Apud Bardosi p. 59 — 60.