Fejér, Georgius: Codex diplomaticus Hungariae ecclesiasticus ac civilis. Tomi IV. Vol. 1. (Budae, 1829.)

se eligent co tempore, qui omnes causas, praeter tria , videlicet, homicidia , effusionem sanguinis , et yiolentias, iudicabit; et iudicia tollet eorumdem ; si vero iuramentum sit inter ipsos, in Ecclesia B. Mickaelis Archangeli iurabunt, et denarios purgationis tollet sacerdos Ecclesiae memoratae; praedictas vero tres causas villicus eorumdem, et homo noster interiudicabunt ; et duae partes iudiciorum, cum duabus partibus purgationum, si in discutiendis ipsis causis eorum fiet iuramentum, cedunt monasterio; tertia vero pars cedit villico eorumdem. Item sacerdotem , quem voluerint, pro tempore, communi eligent voluntate; et decimas suas Sacerdoti ipsorum, more Teutonicorum , relinquent in agris. Item de collecta D. regis dimidiam partem persoluebunt. Item sine haerede decedentes vniuersa bona sua tam in rebus mobilibus, quam immobilibus , cuicunque, vel quocunque voluerint, liberam habebunt legandi facultatem. Item clara luce venient, et venditis vniuersis aedificiis suis, clara luce recedent libere et secure. Item in aquis piscandi, et in siluis venandi , seu qualecunque genus metalli quaerendi, seu vtendi liberam habebunt facultatem. Item feria secunda liberum forum eis, et aliis omnibus fieri permisimus inter ipsos. Yt igitur haec libertas robur habeat perpetuae firmitatis, et ne processu temporis per quempiam successorum nostrorum quoquo modo valeat irritari, seu retractari, praesentes concessimus litteras, nostri sigilli , et fratrum nostrorum munimine roboratas. Datum anno Domini MCC. quadragesimo tertio. u Litteras has confirmauit Vygandus Praepositus anno 1295. Ex anafectis Wagnerio - Jankovich. nro 256.