Fejér, Georgius: Codex diplomaticus Hungariae ecclesiasticus ac civilis. Tomi III. Vol. 2. (Budae, 1829.)

causa cum ipsis transeunt ad eosdem, et sic cum eis, quasi populus vnus factus, cum eisdem Walachis, eo contemto , praemissa recipiunt Sacramenta, in graue orthodoxorum scandalum, et derogationem non modicam fidei christianae. Ne igitur e diuersitate rituum pericula proueniant animarum; nos volentes huiusmodi periculis obuiare, ne praefati W alachi materiam habeant pro defectu Sacramentorum ad SchismaticosEpiscopos accedendi , eidem Episcopo nostris damus litteris in mandatis, vt catholicum eis Episcopum , illi nationi conformem , prouida deliberatione constituat sibi, iuxta generalis statuta concilii, vicarium in praedictis, qui ei per omnia sit obediens et subiectus. — — — Quum autem tu, tanquam Princeps Catholicus ad commonitionem dilecti filii nostri Iacobi, Praenestini electi, tunc A. S. L. praestito iuramento promiseris , te omnes inobedientes Rom. Ecclesiae in terra tua ad obediendum eidem Ecclesiae compulsurum, prout confectae super hoc tuae litterae continebant ; ac eidem electo viua voce promiseris, quod praefatos Walachos compelleres ad recipiendum Episcopum, quem eis ecclesia ipsa concesserit; et assignasse sibi de reditibus tuis , quos ab eis percipis, sufficientes reditus et honestos, sicut idem electus nobis exposuit; regalem excellentiam rogamus, monemus, et hortamur attente, ac in remissionem tibi iniungimus peccatorurn, quatenus quum te non deceat in regno tuo huiusinodi Schismaticos sustinere , ac ea , quae promisisti, Deo grata et hominibus sint accepta , ne facias irrita , quae de tuis labiis tam laudabiliter processerunt; eaque studeas efficaciter adimplere; ita quod ex hoc placeas regi regum; et nos