Fejér, Georgius: Codex diplomaticus Hungariae ecclesiasticus ac civilis. Tomi III. Vol. 2. (Budae, 1829.)

tui* in dicta terra, tam canonico , quam ciuili priuilegio fori, rescriptis omnibus tam impetratis , quam impetrandis, et omnibus , quaecunque sunt inter partes acta. Renunciantes iterum priuilegiis omnibus, prius vel posterius impetratis; nec non et omnibus, quae possunt dictis Episcopo Zagrabiensi, et suo capitulo prodesse, et dictis domus templi fratribus obesse; promittentes etiam sub praeinissa stipulatione solemni, quod si praedictae formae pacis praesumerent contraire, ipsius in posterum suscitando litigium; in foro ecclesiastico , seu etiam seculari, de cetero nullatenus audirentur. Ceterum ad maiorem roboris firmitatem partes ambae coram nobis firmiter promiserunt, sub poena centum marcarum argenti , quod si partium aliqua, ducta temeritate qualibet, a compositione praemissa resiliret: parsilla, quae praesumeret a compositione praescripta recedere, vel litem de cetero suscitare parti alteri, formae praemissae compositionis innitenti, ac tenenti; dictam poenam centum marcarum sine conditione , seu contradictione qualibet teneretur soluere, et poena soluta, nihilominus compositio praemissa firma semper, et stabilis penitus habeatur. Supra scriptis etiam duximus aduertendum, qiiod praefatus Zagrabiensis Episcopus et Capitulum pro parte sua ad hoc se coram nobis obligauerunt spontanee , quod si aliquis dictos fratres templares super terra Rassecha vellet impetere, vel inquietare, praefatus Zagrab, episcopus , et capitulumdictos fratres contra omnes molestantes protegere pariter et defendere teneanr' tur; et ipsos super hoc indemnes in omnibus conseruare; iuxta suae possibilitatem facultatis. Ad hoc item, vice versa, dicti fratres sub praemissis