Fejér, Georgius: Codex diplomaticus Hungariae ecclesiasticus ac civilis. Tomus II. (Budae, 1829.)

lio diceris concessisse, non impedias, nec impediri permittas, quo minus praefati monachi secundum consuetudinem hactenus obseruatam , assumant sibi personam idoneam , per electionem canonicam in abbatem. Nos enim venerabili fratri nostro — Yaradiensi Episcopo, et dilectis fdiis — — abbati de Baccon , et praeposito — Strigoniensi, damus firmiter in mandatis, vt inquisita diligentius verilate, si rem inuenerint taliter processisse, nisi praefatus Spalatensis A. Episcopus ad commonitionem eorum excessum suum curauerit emendari ; ipsi ei, pro tanta praesumtione , canonicam poenam infligant; et eo a praelibato monasterio pror sus excluso , faciant illud iuxta formam praescriptam, appellatione postposita , ordinari ; contradictores quoslibet auctoritate nostra, appellatiorie postposita, compescendo. Datum Bomae apud S. Petrum, XVIII. Kal. Octob. Pontificatus nostri anno VII. " Apud Dobner Mon. Tom. II. p. 347. E reg. an. VII. ep. 128. Eundem in modum scripsit etiam Archiepiecopo Spalatensi vsque ad verba — praefigentes. Tum ita ipsum redarguit: Ecce qualiter ecclesiasticam libertatem diligis, et defendis , qualiter apostolicae sedis honorem promoues, et procuras: qualiter pontificalem modestiain exhibes et obseruas: qualiter monasticam regulam prosequeris et zelaris. Certe nisi praescriptos excessus per te ipsum corrigas et emendes, et a simiiibus abstineas, et attendas , nos quanto familiarius te diligimus, tanto districtius puniemus ; vt poena vnius sit cautela multorum, et iusti lauent manus suas in sanguine peccatoris. " lbidem p. 348. Katona Tom. IV. p. 736 — 37-—38.