Fejér, Georgius: Codex diplomaticus Hungariae ecclesiasticus ac civilis. Tomus II. (Budae, 1829.)

/1. C/i. 1204. Idem Innocentius, audita Legati sui detentione , Emericum Regem grauioribus verbis perstringit. Inter alios reges catholicos, et principes christianos, de te specialiter, fili carissime gloriamur, quod Deo fidelis, nobisque deuotus existas; ita vt tu merito valeas gloriari, quod gratiam et fauorem apostolicae sedis obtineas specialem : sicut hinc inde plurima probant non solum indicia, sed exempla. Hediens enim ad apostolicam sedem Iohannes, tunc capellanus noster, nunc autem Furconensis episcopus , constanti nobis assertione suggessit , quod a te cum ingenti lionore et deuotione susceptus, clementer obtinuit, non solum quod circa negotium columbani (Culini bani) a regia celsitudine requisiuit; verum etiam impetrauit, quod tam ipsi, quam aliis ecclesiae nunciis et legatis liber pateat per regnum tuum progressus pariter, et regressus in Bulgariam et Blatiam (Blachiam ). Tu quoque, si bene recolimus, suggessisti, quod tuae serenitati placebat , vt megaiupanus Seruiae, debitam et deuotam apostolicae sedi reuerentiam et obedientiam, exhiberet, et a nobis, saluo in temporalibus iure tuo , regium susciperet diadema. Vnde nos huius exsequutionem negotii, venerabili fratri nostro Colocensi archiepiscopo meminimus iniunxisse. Per has ergo non tam generales, quam speciales caussas inducti, fidelem nostrum filium Leonem, tituli sanctae Crucis presbjterum Cardinalem, apostolicae sedis legatum , in Bulgariam et Blaciam per regnum tuum ad propagationem fidei christianae duximus destinandum: qui , sicut nobis suis litteris intimauit, a tua regia celsitudine vltra etiam, quam crediderit, exstitit ho— noratus: ita vt quasi deposita grauitate re sali.