Fejér, Georgius: Codex diplomaticus Hungariae ecclesiasticus ac civilis. Tomus II. (Budae, 1829.)

carnationis Domini MCLXXV. Pontificatus vero Domini Alexandri Papae III. anno decimo septimo. Apud Novak Vind. Dipl. S. Stepliani p. 117. Katona H. C. K. H. Tom. IV. pag. 2U. A. C/i. 1176. Idem Alexander iurium, ac priuilegiorum Abhatiae montis Pannoniae , a S. Step/iano concessorum, conseruationem Episcopis Hungariae iniungit. Alexander Episcopus, Seruus Seruorum Dei , venerabilibus fratribus Arclii-Episcopis, et Episcopis per Hungariam constitutis, salutem et apostolicam benedictionem. Ad vestram non dubitamus audientiam peruenisse, quanta sanctae memoriae Rex Stephanus Monasterium S. Martini de Pannonia donauerit libertate; et quae illi, temporibus felicis recordationis Paschalis Papae, et nostro, priuilegia apostolica sedes indulserit, agnouistis. Quia igitur, quanto libentius vultis apostolicum auxilium obtinere , et in vestris celerius postulationibus exaudiri ; tanto propensius loca, quae sacrosanctae Romanae Ecclesiae specialiter iuris existunt, in suo vos conuenit iure tueri; et eorum vbertates custodire eo adtentius illibatas; igitur vniuersitati vestrae per apostolica scripta mandamus, atque praecipimus , quatenus praescriplo monasterio , vel pertinentiis eius non inferatis molestiam: nec ab aliis permittatis inferri ; sed libertatem , quam Rex praefatus concessit, et sedes apostolica confirmauit, inuiolabiliter obseruetis, et obseruari ab aliis faciatis; ita , quod querela super hoc ad audientiam nostram proferri non debeat; nec vos de contemtu, aut negligentia indignationem