Fejér, Georgius: Codex diplomaticus Hungariae ecclesiasticus ac civilis. Tomus II. (Budae, 1829.)

A. Ch. 1 096. Vrbanus PP. II. Alexio, Orientis Imperatori, expeditionem cruciatam, in terram sacram suscipiendam, notijicat. Vrbanus II. Romanus Pontifex Alexio Constantinopolitano Imperatori salutem et Apostolicam benedictionem. — Cum statutum fuisset ad clarum montem Awerniae, vt communibus votis bellum aduersus Saracenos gereretur, tanta hominum multitudo cruce signata est, vt ad tercenta hominum millia censa fuerint. Ducum autem fortissimorum tantusardor, vt de recuperanda Hierosolyma multum sperare debeamus. Primus omnium Pelrus Eremita innumerabilibus se Ducem praebuit, cui Godefredus, Eustachius, et Balduinusfratres, Bolionii Comites se addiderunt, maiores etiam copias parauerunt. Hinc Podiensis Episcopus belli Dux, et Raimundus S. Aegidii Comes, inde Hugo magnus, Philippi Francorum Frater et Robertus Novmanniae, et alter Robertus Flandriae et Stephanus Carnuti Comites. Quid dicam de Boamundo ipso, qui ingenti animi magnanimitate iis se Comitem adiunxit cum septem millibus delectae iuuentutis Italicae, relicta fratri omnium rerum cura, quocum diu bello contenderat ? Ad hos belli maximos apparatus vnum illud in primis est necessarium, vt tuo praesidio , commeatuque tantae copiae iuuentur. Quare ab te peto maiorem in modum, vt quibuscunque rebus poteris, iustissimo bello, gloriosoque faueas. Illud autem, tametsi non dubitem abste curatum iri, volui tamen te per litteras nostras scire. id mihi, et vniuersae Christianae Reipublicae iucuudissimum fore. Vale Romae. etc.