Fejér, Georgius: Codex diplomaticus Hungariae ecclesiasticus ac civilis. Tomi XI. (Budae, 1844.)

Idem Joblagiones castri Poson. ad solutionem expensarum , in eustentationem aulae factarum, concurrere iubet. A. 1438. Commissio propria Domini Regis. Albertus Dei gratia Rex Hung. Dalm. Croat. etc. Austriaeque Stiriae et Carintliiae Dux, nec nou Marchio Moraviae etc. fidelibus nostris sincere dilectis , Magnificis Stephano et Georgio de RozgonComitibus Posoniensibus Salutem et Gratiam. Quemadmodum nuper in Posonio vobis commisisse memoramur, ita et nunc praesentium serie fidelitati Vestrae firmiter praecipiendo mandamus, nec secus in his habere volentes, quatenus universos et singulos populos et Jobagiones nostros in Districtu Challokwz, ac oppidis, villis, et possessionibus nostris illic propinquis, sub veslris utputa Honoribus existentibus commorantes y ad debitam Contributionem omnium expensarum nuperrime per providos Cives Hospites et Incolas Civitatis nostrae Posoniensis pro sustentatione Curiae Nostrae Maiestatis ac Serenissimae Dominae Barbarae Reginae, et puellarum eiusdem usque ad haec tempora factarum faciendam arctare compellere debealis, quia neque conveniens iustumque atque licitum esset, sicuti nec volumus, ut per huiusmodi expensarum praenotatarum plenariam solutionem solummodo memorati Cives et Incolae ipsius Ciuitatis nostrae Posoniensis aggrauenlur. Secus non facturi in praeniissis gratiae nostrae sub obtentu , ne iidem Cives nostri peramplius Nostrae superinde cogantur querulari Maiestati, praesentibus perlectis exhibenti restitutis. Datum Budae in festo B. Dorotheae Virg. et Mart. Anno Domini MCCCCXXXVIII. (L. S.)