Fejér, Georgius: Codex diplomaticus Hungariae ecclesiasticus ac civilis. Tomi X. Vol. 7. (Budae, 1843.)
de ad vniuersorum tam praesentium, quam futurorum notitiam harum tenore volumus peruenire. Quod fidelis noster discretus Matthias Presbiter, Rector domus Hospitalis ecclesiae SanctiNicolai Confessoris, in Ciuitate Riuuli Dominarum fundatae, et constructae, quasdam priuilegiales literas fidelium nostrorum Prouidorum, Judicis et Juratorum ciuium eiusdem Ciuitatis, quibus mediantibus quidam Joannes Omechin, similiter iuratus conciuis ipsorum, quandam villam suam empticiam inter praefalamCiuitatem et medium montem sitam, Tothfalu, alias Gherod vocatam, cum suis vtilitatibus, praefalo Hospitali modo infra in tenore ipsarum literarum limpidius explicato, in perpetuum legasse, dignoscitur et donasse, tenoris subsequentis; supplicans exinde serenitati nostrae, humiliter et deuote: vt ipsas literas priuilegiales ratas, gratas, et acceptas habendo, nostrisque literis priuilegialibus verbaliter inseri et inscribi faciendo, pro ipso hospitali perenniter valituras confirmare, huiusmodique legationi et donationi possessionariae nostrum beneuolum consensum, pariter et assensum adhibere, nec non ius nostrum regium, si quod in eadem possessione nostram concerneret Maiestatem, eidem Hospitali de nouo dare dignaremur. Quarum quidem literarum tenor is est: N o s S i m o n Auri faber, Judex, Ladislaus Steygar, Jacobus Jerul, Jureher, Huppel, Nicolaus penes Ecclesiam, Christophorus Druchker, Nicolaus Vinlopp, Joannes Kistel, Conradus Auri faber, Henricus Melczer, NicolausMagker, Petrus Hulwat, et Vlricus Notarius , Jurati ciues Ciuitatis Riuuli dominarum, dantes pro memoria, significamus praesentibus, pariter et futuris, omnibus et singulis, quibus expedit vniuersis: Quod