Fejér, Georgius: Codex diplomaticus Hungariae ecclesiasticus ac civilis. Tomi X. Vol. 7. (Budae, 1843.)

tam vtili ac salutari officii nostri partes volentes autore Domino impartiri, Deoque et fidei catholicae obsequium reddere omnipotenti Deo et sanctae Matri Ecclesiae promittimus et vouemus, quod postquam ipsa compactata fuerint, vt praemittitur, roborata, nos ea firmabimus et roborabimus, et seruari faciemus , pare simpliciter, etsyncere, iuxta sanum et bonum intellectum eorum, nec permittemus ea in aliquo violari, vel eis abuti, nec permiltemus aliquem ad communionem sub vtraque specie coarctaii, vel compelli quoquomodo in praeiudicium compactorum. In cuius testimoninm sigillum Maiestatis nostrae praesentibus est appensum. Dalum in Alba Regali , Wesprimiensis Dioecesis, Anno Domini MCDXXXVI. Die VIII. Januarii. Regnorum nostrorum Hungariae etc. XLIX. Romanorum XXVI. Bohemiae XVI. Imperii vero III.

u Apud Goldaslum 1. c. nro LXX. folio 146. CCCLVIII. Idem Sigismundus , et Albertus Dux Austriae ac Marchio Morauiae tenorem literarum Concilii Basileensis Hussitis tradunt. A. 1436. Sigismundus Dei gratia Romanorum Imperator semper Augustus, et Vngariae, et Bohemiae etc. Rex. Et Albertus eadem Gratia Dux Austriae, et Marchio Morauiae, etc. Notum facimus, quod propter exortas quasdam emergentias, in materia mandati Reuerendo in Christo Patri Philiberto , Episcopo Constanliensi et collegis suis , Legatis sacri Concilii Generalis dati, inter ipsos Legatos eiusdem sacri generalis Concilii Basileensis, parte ex vna et inclytum regnum Bohemiae et Marchionatum Morauiae, parte ex altera, promisimus, et tenore prae-