Fejér, Georgius: Codex diplomaticus Hungariae ecclesiasticus ac civilis. Tomi X. Vol. 7. (Budae, 1843.)

CCCXII. Jrlem Sigismundus Iglouiensium priuilegia per Hussitas direpta, aut exusta, nouis literis affirmat. A 1435. Nos Sigismundus Dei gratia Romanorum Imperalor semper Augustus, ac Hungariae, Bohemiae, etc. Rex, memoriae commendamus tenore praesentium significantes, quibus expedit, vniuersis, quod venientes in conspectum nostrae Serenitatis fideles nostri Erasmus Halbsuch , et Haumannus Vngerathen , Ciues nouae Ciuitatis nostrae Iglow , nominibus et in personis, Maiestati nostrae lamentabili voce curarunt significare: Quomodo pridem nobis in exteris partibus et regionibus pro susceptione coronarum nostrarum imperialium per nos diuino auxilio iam feliciter et votiue adeptarum laborantibus, illi perfidissimi Haeretici Hussitae et Taboritae in regno nostro Bohemiae, et Marchionatu Morauiae, in despectum totius orthodoxae fidei populando, quos errore eorum deuio , opitulante Altissimo , a quo bona cuncta procedunt, nostris maximis laboribus et fatigiis in maiori parte eliminato, et expurgato , ad gremium sanctae Matris Ecclesiae, et ad nostrae Maiestatis, vti Domini eorum naturalis obedientiam reduximus, praedictam terram nostram Scepus hostiliter subintrantes, et inter caetera annotatam Ciuitatem Iglow surripientes deuastassent, et combussissent, vniuersaque priuilegia ac literas et literalia eorum instrumenta super libertatibus et praerogatiuis et gratiosis indultis per diuos reges Hungariae, nostros scilicet praedecessores, et consequenter per nostram Maiestatem eisdem gratiose dalis et concessis, quibus vsque in praesentiarum freti fuissent et gauisi, cum caeteris bonis et rebus eorum abstulissent, propter quod formidarent tem-