Fejér, Georgius: Codex diplomaticus Hungariae ecclesiasticus ac civilis. Tomi X. Vol. 7. (Budae, 1843.)

sedulo perageretur, tam diuinae quam humanae iegis precepto dispositas, et institutas, de viliori aut abiecto, aut per torcular extracto , et non de bono, in doliis extruso, musto ipsorum Plebanis extradarent et persoluerent, immo, quod deterius est, et nedum horrendum, sed et stupendum auditori, aliqui ex vobis, ex quadam praesumtionis audacia et rebellionis temeritate, huiusmodi mustum, ad solutionem memoratarum decimarum cedens, et non veram et iustam decimam partem, sed tantum, quantum volunt, in ipsorum doliis imponerent, et ante promontoria suarum vinearum relinquerent, quod tandem a pastoribus et aliis maleuolis deporlaretur, et raperetur, notificarentque dictis plebanis, se decimas eorum in vineis reliquisse, et si per triduum huiusmodi mustum decimale per eorum Plebanos non importaretur, iidem fingentes, se doliis suis indigere, ipsum mustum effunderent in terram. Propterea, quod si talibus insolenliis salubri remedio non obuiaretur, vtique possetis diuini iudicii vltionem contra vos et veslrum quemlibet absque dubio prouocare. Vosmet ipsi tamen pensare, et attente considerare poteritis, quod, si quis suas decimas, quas quilibet verus Christicola ex diuinae legis institutione de primitiis rerum suarum ministris ipsius , in cuius patrimonium deputatae sunt, et institutae, quanto modo meliori persoluerit, tanto maius praemium ab omnium Creatore, nec immerito , obtinebit. Vnde nos, qui ex officio, nobis ab alto concesso, Ecclesiarum Dei et cunctorum ministrorum eius, ne in aliquo per ipsorum prouentuum diminutionem , cultus diuinus impediatur, fuimus semper, prout et sumus de praesenti, tutor et protector specialis , — vestrae et cuilibet vestrum fidelitati firmo noslro im