Fejér, Georgius: Codex diplomaticus Hungariae ecclesiasticus ac civilis. Tomi X. Vol. 7. (Budae, 1843.)

sensionis et gratiae vsque tempus praemissum, prout nos habemus, et habere volumus, ita et vos habeatis supportatos et exoneratos. Praesentes denique post earum lecturam reddi iubemus presentanti. I)atum Ferrariae in festo exaltationis S. Crucis. Anno Dotnini MCDXXXIIl. regnorum nostrorum anno Hungariae etc. XLVII. Romanorum XXIII. Bohemiae XIV. Imperii vero primo." Ex authographo Ciuitatis Kesmark. CXCII. Idem Sigismundus libertates Ciuium Kezmarkiensium, literalibus ipsorum instrumentis per Hussitas alienatis , restabilit. A. 1433. Nos Sigismundus Dei gratia Romanorum Imperator semper Augustus, ac Hungariae, Bohemiae, Dalmatiae, Croatiae etc. Rex. Memoriae commendamus tenore praesentium significantes quibus expedit vniuersis: quod fidelis noster Gregorius, filius Petri, Juratus Ciuis Ciuitatis nostrae Kesmark vocatae, terrae nostrae Scepusiensis, nominibus ct in personis fidelium nostrorum Judicis et Juratorum ceterorumque vniuersorum Ciuium, hospitum, et incolarum ac totius communitatis eiusdem Ciuitatis nostrae Kesmark lamentabiliter nostrae palefecit Maiestati, quod dum quidam perfidissimi Hussitae ac Haeretici Bohemi, praetactas terras et partes nostras Scepusienses hostiliter subintrantes et easdem non modica sui parte desolantes, praefata Ciuitate nostra Kesmark obtenta, magnam ipsius Ciuitatis no^trae partem ignis voragine consumpsissent, tunc per eosdem Hussitas haereticos nedum vniuersae aliae res et bona, praenarratorum Ciuium et hospitum et incolarum, antelatae Ciuitatis Kesmark ablatae et asportatae, sed et omnes litterae, iuraque et quaelibet