Fejér, Georgius: Codex diplomaticus Hungariae ecclesiasticus ac civilis. Tomi X. Vol. 7. (Budae, 1843.)

CLXXX. Forma processu» iudiciarii Ecclesiastici A. 1432. Nos Valentinus Lector et Canonicus Ecclesiae Budensis , Judexque commissarius per Reuerendissimum in Christo Patrem Domiuum Georgium Archiepiscopum Ecclesiae Strigoniensis etc. super causa et causis in facto decimarum inter venerabiles viros Dominum Michaelem Praepositum , NicoIaum Lectorem, Cantorem, Custodem, Capituli Ecclesiae Strigoniensis, ac Dominum Ladislaum Praepositum de Saagh et conuentum eiusdcm, memoriae commendamus. Quodcumiuxla continentiam aliarum literarum nostrarum citatoriarum, in valuis Ecclesiae praedictae factarum, religiosus vir frater Ladislaus Praepositus Monasterii Beatae Mariae Virginis de Saagh , ordinis Praeinonstratensiuin, et conuentus loci eiusdem, decima octaua die mensis Decembris sub excommunicationis et interdictionis libello venerabilis Capituli Ecclesiae Strigoniensis, super quibusdam decimis, pridem coram nobis in iudicio oblato, mane hora causarum sufficienter respondere debebant, in quo die et termino , comparente coram nobis in iudicio Magilro Francisco de Zolio Archidiacono, et Canonico Ecclesiae Strigoniensis, procuratore legitimo, Ecclesiae eiusdem, et ipsius literas citatorias de valuis depositas, nobis, prout in ipsis literis nostris citatoriis Iatius continetur, exhibuit et praesentauit, proclamatisque per nos trinarie praefatis Praeposito et Conuentu , idem Magister Franciscus Procurator, nomine quo supra, absentiam et contumaciam eorumdem Praepositi et Conuentus accusauit, ac ipsos vt contumaces et rebelles ex communicationis et interdicti sententias incurrisse, declarare, excommunicare, et interdicere, excom-