Fejér, Georgius: Codex diplomaticus Hungariae ecclesiasticus ac civilis. Tomi X. Vol. 7. (Budae, 1843.)

XLV. Comes Matthaeus de Palocz , Judex Curiae regiae, testirnoniales super actu potentiario perpetrato elargitur. A. 1429. INos Comes Matthaeus de Paloch, Judex Curiae Domini Sigismundi, Dei gratia, Romanorum regis semper Augusti, ac Hungariae, Bohemiae, Dalmatiae, Croatiae etc. Regis.- Memoriae commendamus, quod in congregatione nostra generali vniuersitati Nobilium Neogradiem et Honten. Comitatuum feria secunda, proxima ante festum Beati Laurentii Martyris ex eiusdem Domini nostri regis speciali commissione prope villam Gyarmath celebrata. Dominus frater Ladislaus Praepositus Ecclesiae de Saagh in sua ac sui Conuentus personis de medio aliorum exsurgendo proposuit eo modo: Quod dum discretus vir Valentinus Sanctorum Thomae et Stephani Martyrum Ecclesiae de Strigonio Canonicus, decimator scilicet minoris cultelli dicti Comitatus Honten. anno proxime praeterito, tempore dicationis decimarum frugum ad possessionem suam et dicti sui Conuentus Thesmagh vocatam , accessissent, et ad hortum, seu curiam Thomae Petheo Jobagionis eorumdem , in eadem residentium intrasset, tunc ipse dictum Thomam Pethew in eo. vt solum decem capetiae frugum et non plures in decimis ab ipso prouenire deberent, interfecisset (impetiiset). Praescitoque (Praecissoque) ipso Juramento idem Dominus Valentinus non dictas decem capetias frugum, sed tredecim capetias dicasset, et ab eodem Thoma plene extraxisset; et his non contentus idem Valentinus Canonicus non vti presbiter. et decimator , sed tanquam minatus (iuratus) hostis in ipsum Thomam ibidem ex consensu Magistri Francisci de Zelio Canonici maioris Ecclesiae Strigoniensis irruendo,