Fejér, Georgius: Codex diplomaticus Hungariae ecclesiasticus ac civilis. Tomi X. Vol. 6. (Budae, 1844.)

Anno 142 7. CCCXCII. Sigismundus R. H. egregio Franh de Semse, servitiorum merito, donationes largitur. An. 1427. Nos Sigismundus, Dei gratia Romanorum Rex semper Augustus, ac Hungariae, Bohemiae, Dalmatiae, Croatiae etc. Rex. Memoriae commendamus tenore praesentium significantes, quibus expedit, universis : Quod nos habentes respectum ad preclare et inviolate fidelitatis constantiam et laudum preconio laudabilium servitiorum extollenda merita fidelis nostri sincere dilecti egregii Frank filii Johannis, filii Demetrii de Semse, quibus idem a diuturnorum temporum curriculis in diversis nostris et regnorum nostrorum praedictorum validis agendis et expeditionibus difficillimis, sicuti prosperis sic et adversis sub diversitate locorum et temporum et praesertim in praedicto regno nostro Bohemiae cis civitatem nostram Pragensem, contra quosdam nostros rebelles et infideles heretice pravitatis contagione infectos, qui quond. IJusz damnata dogmata deserere recusantes, Maiestati nostre rebellare attentarunt, strenue dimicando et non sine copiosa sui sanguinis effusione nobis famulando, celsitudini nostre se gratum reddere studuit et acceptum. Praetextu quorum, quamquam praefatus Frank multo maioribus a nostra Maiestate donis regiis debuerit remunerari; ut tamen ad praesens sicuti promtis affectibus largius intendimus in futurum, nostram benevolentiam sibi sentiat benigniter fore inclinatam, omnia iura nostra regalia, totalesque iurium proprietates, quae et quas in possessionibus et iuribus possessionariis quondam Petri et