Fejér, Georgius: Codex diplomaticus Hungariae ecclesiasticus ac civilis. Tomi X. Vol. 6. (Budae, 1844.)

Sigismundus, Dei gratia Romanorum Rex semper Augustus, ac Hungariae, Bohemiae, Dalmatiae, Croatiae etc. Rex. Fidelibus suis Conventui Ecclesiae deLelez, salutem et gratiam. Dicitur nobis in personis Michaelis filii Dionysii, acAdriani, filii Mathiae, Eliae et Sebastiani de Akly, quod Blasius Literatus, Johannes et Stephanus de Dyakfalva, una cum populis et iobagionibus ipsorum in dicta Dyakfalva commorantibus, feria quarta proxima post festum S. Dionysii Martyris proxime praeteritum manibus armatis et potenliariis ad domum ipsorum exponentium in praedicta Akly habitam irruendo, ibique quosdam ex ipsis lelalibus vulneribus sauciando, ac nobiles Dominas consortes eorumdem pluribus sagittis sagittando, et alia plura nocumenta ipsis intulissent potentia eorum mediante, in praeiudicium ipsorum valde magnum. Super quo fidelitati vestrae firmiter praecipiendo mandamus, quatenus vestrum mittatis hominem pro testimonio fidedignum; quo praesente Petrus de Dabolcz vel Blasius de eadem, sin Clemens de Kis-Andrasfalva, ceu Joannes Zeles, neve Andreas Parvus de eadem, aut Ladislaus Yeres de Thyvadarfalva, sive Johannes Ruffus de eadem, aliis absentibus homo noster ab omnibus, quibus incumbit, meram de praemissis experiatur veritatem quam tandem nobis fideliter rescribatis. Datum Budae, in vigilia festi SS. Simonis et Judae Apostolorum. Anno Domini MCDXXVI. Szirmay Cott. Ugocha p. 163. Hunc Blasium de Diakfalva docet Zapolyiorum fuisse progenitorem. CCCLXIX. Idem Sigismundus castrum Kopcsen cum praedio Pammern , ac medietate loci Kedendor/, IValburgae viduae Petri