Fejér, Georgius: Codex diplomaticus Hungariae ecclesiasticus ac civilis. Tomi X. Vol. 6. (Budae, 1844.)

ego pluribus annis pacem cum Cruciferis, hostibus meis, et apud sedem apostolicam et ipsum regem Romanorum, aliisque locis quaesitam, nusquara inveniens, iusta et necessaria arma contra illos intulerim. Et deficiente in terris iustitia, a coelestibus mihi illam quaesierim. Gravibus enim licet lacessitus iniuriis publicis provocatus opprobriis, fortissimo mihtiae robore abundans, hellum tamen hosti meo non intuli, sed primum ipsum Sigismundum Romanorum regem super singulis quaestionibus et iniuriis compromisi. Qui etsi partem meam, quod etiam apud Scytas iniquum censetur, audire dedignatus, iniustara in me sententiam intulisset, et potestate sibi tradita abutens, paternas meas et naturales terras, de quibus arbitrandi velut his, quae in quaestionem non venerant, nullam habebat potestatem, mihi abiudicasset, volui tamen Principis CathoJici more onerosam et duram mihi senlentiam custodire, nisi ordo ipse, in cuius favorem lata est, in omnibus fere contraveniens, nec solvit aurum decretum, nec castra demolivit erecta, nec terras restituit occupatas. Deinde ad sedem apostolicam recurrens, non sine ingenti sumtu et meam iuslitiam et ordinis iniquitatem monstravi et tam claram reddidi, ut apostolicus iudex Antonius Zeno iustissimam pro me et contra Cruciferos laturus sententiam imperantem restitutionem terrarum Pomeraniae, Chelmensis et Mihaloviensis, apud Glogoviam pro certo die consedisset, sua tamen pronunciatio, Sigismundo Romanor. rege operante, efficenteque Apostolica prohibitione extitit impedita. Quaesivi post haec treugas firmare cum ordine, etiam iustissimum perosus bellum, nisi fratrem meum Sigismundum regem Romanorum, vafrum et dupplicem in me agnovissem, qui me et re-