Fejér, Georgius: Codex diplomaticus Hungariae ecclesiasticus ac civilis. Tomi X. Vol. 6. (Budae, 1844.)

Fuit proin Agazonum Magistri foris quidem arinenta equorum eurare, ac providere , quam solertissime, ut; illa genuino seminio sint refertissima: domi selectissimum, omneque equorum genus, promtum semper atque expeditum alere. Ad hanc procurationem armentariis, stratoribus , rhedariis , praesultoribus ac stabulariis praeerat, jusque dixit. Incumbebat eidem praeterea regem in profectionibus sequi, hospitio cum toto ejusdem comitatu, praesertim in expeditionibus ac comitiis providere ; pretia commeatuum in castra, locumque comitiorum, undique convectorum, moderata constituere, ac ne annonae caritas oneri sit, prospicere. V. Decr. An. 1557. art. 7. quo totidem verbis eadem Magistro Tavernicorum regalium incubuisse, leguntur. Magistros Agazonum a Rege constitutos, nomen regale; plures una obivisse Magistratus, Comitatus ut puta , exempla producta clare docent. Stipendia ipsorum in obscuro sunt; accidentia memorat Sigismundus: ,,Magistro Agazonum civitates, per quas nostram aut reginalem Majestatem transire contigerit, illius civitatis artifices, cujuslibet generis, ut puta omnes pellifices, unum pelliceum et omnes froenatores unum froenum et sic de singulis, una vice duntaxat in anno, quandocunque nos inde transire contigerit, et non alteri, dare et administrare teneantur.

a Decr. II. art. 13. Apud servientes regis descendere vetitum ipsis quoque fuerat. Decr. Anni