Fejér, Georgius: Codex diplomaticus Hungariae ecclesiasticus ac civilis. Tomi X. Vol. 6. (Budae, 1844.)

risdictionem et judicium m causas ortas in terra Banatus intromittere, nee causa hujusmodi ad praesentiam alicujus Judicis per Comites vel aliquod mandatum speciale deferatur. — Ejusmodi sententia vel judicium nullius roboris obtineat firmitatem, et insuper indignationem regiam non evadant. Datum in Wissegrad in quindenis nativitatis B. Joannis Baptistae Anno MCCCXXV." Jus exinceps a foro duntaxat Banali ad Palatinale appellandi, ac publicos malefactores in congregatione duorum Comitatuum persequendi, Palatinis regni immansit. V. Codicem. Pro regnorum amplitudine fuerat primitus Dalmatiae ac Croatiae Bano adjunctus Banus, qui praeesset insulis, maritimus dictus: talis fuerat Dionysius partes maritimas gubernans A. 1185. Vonic maritimus Banus A. 1225. Insulis Dalmatiae per Venetos ereptis additus ei fuerat Vicarius: ita Nicolao Bano existente Leustachius fuerat ejnsdem Vicarius Anno 1356. Invaluit magis ut Dalmatiae et Croatiae alter, alter Slavoniae praeficeretur : ita Nicolaus de Zeech Croatiae ac Dalmatiae, Leustachius vero Slavoniae Banus laudatur A. 1359. Praeeminebat inter hos Banus totius Slavoniae dictus; talis fuit Nicolaus de Lindua, totius Slavoniae ac Croatiae Banus A. 1353. Dalmatiae ac Croatiae partibus perditis in unum Banatus denuo rediit , cui vicariam subministravit operam Vice-Banus dictus, e Comitibus Crisiensibus vel Zagrabiensibus, item Protonotarius illius. Conf. Codicem.