Fejér, Georgius: Codex diplomaticus Hungariae ecclesiasticus ac civilis. Tomi X. Vol. 6. (Budae, 1844.)

r 101 tam denariorum quam victualium, confectum; tenoris infrascripti, supplicans exinde idem Dom. Praepositus Petrus, serenitati nostrae subjectiva prece, ut ipsum privilegium ratum, gratum et acceptum, habendo, nostroque privilegio inseri faciendo , pro Ecclesia et Capitulo Strigonien. praedictis innovan. perpetuo dignaremur confirmare, cujus quidem privilegii tenor talis est: Ladislaus (vide anno 1283. quinta Calendas Septembris, indictione undecima, regni autem nostri anno undecimo.) Nos igitur humillimis et devotis supplicationibus memorati Dom. Petri Praepositi antefatis per eum nominibus dicti Capituli Ecclesiae Strigonien. Majestati nostrae subjective oblatis, regia benignitate exauditis, clementer et admissis, praetactum privilegium annotati Domini Ladislai regis, non abrasum, non cancellatum, non vitiatum, nec in aJiqua ejus parte suspectum f sed omni prorsus ambiguitatis vitio carens, imo merae et sincerae veritatis integritate praepollens, praesentibus de verbo ad verbum sine diminutione et augmento aliquali insertum quoad omnes suas continentias, clausulas et articulos acceptamus, approbamus et ratifieamus; idem nihilominus ob spem et devotionem nostram, quam erga gloriosum Christi Martyrem Adalbertum, in cujus nominis honorem dicta Alma Ecclesia Strigoniensis dedicata existit, cujusque interventionibus et meritis, tam in terris, quam in coelis pie speramus confoveri, gerimus et habemus, simul cum praemissis annuentia, concessione et libertatione gratiose, ut est praescriptum, dictae Ecclesiae Strigoniensi factis, et in privilegio jam transcripto specifice denotatis mera authoritate regia et potestatis plenitudine, ac ex certa scientia nostrae Majestatis et consensu et beneplacita volun-