Fejér, Georgius: Codex diplomaticus Hungariae ecclesiasticus ac civilis. Tomi X. Vol. 5. (Budae, 1842.)

CCXXXIIJ. Idim loannes eidem Ceorgio de Kesmark alium impertitur fauorem. A. 1414. Ioannes Episcopus Seruus Seruorum Dei, Dilecto filio Georgio de Kesemark, Praeposito Ecclesiae Sancti Adalberti Jaurinensis , Salutem et Apostolicam benedictionem. Sincerae deuotionis aflectus, quem ad nos et Romanam geris Ecclesiam promeretur, \t votis tuis fauorabiliter annuamus, illis praesertim, per quae, sicut pie desideras, diuinis officiis intentus existas, ut spiritualis salutis tibi proueniat incremenlum. Hinc est, quod nos tuis deuotis precibus inclinati, Yt Missam, anlequam illucescat dies, circa tamen diurnam lucem, cum qualitas negociorum pro tempore ingruentium, id exegerit, liceat tibi per te, aut proprium vel alium Sacerdotem, idoneum , facere celebrari. Ita, quod id tibi, nec Sacerdoti taliler celebranti, ad culpam valeat imputari, deuotioni tuae, auctoritate praesentium, de speciali gratia indulgemus. Prouiso, quod parce huismodi concessione vtaris, quia cum in altaris officio immoletur Dominus noster Dei filius Jesus Christus, qui candor est lucis aeternae, congruit haec non noctis tenebris, fieri, sed in luce. NuIIi ergo omnino hominum liceat hanc paginam nostrae concessionis infringere, vel ei ausu temerario contraire. Si quis autem hoc attemptare praesumpserit, indignationem omnipotentis Dei et beatorum Petri et Pauli Apostolorum eius se nouerit incursurum. Datum Cremonae III. Idus Januarii, Pontificatus nostri Anno IV-o. „B. de Moth." Idem I. c. p. 48.