Fejér, Georgius: Codex diplomaticus Hungariae ecclesiasticus ac civilis. Tomi X. Vol. 5. (Budae, 1842.)

iuueni, quam cito ad aetatem debitam pertigerit, ius, vocem, dignitatem, et potestatem praedictae electionis, ac omnia et singula ab eis dependentia, idem tutorsine difficultate et renitentia qualibet et tenebitur, et debebit protinus assignare ; aetatem autem debitam in hoc casu eligendi videlicet Romanorum regem in Imperatorem promouendum, decem et octo annorum censeri volumus et haberi; in Principalibus autem, Ducatis et Dominiis aliis temporalibus gubernandis , aetatem obseruandam decernimus , prout a Diuis Romanorum Imperatoribus et Regibus, nostris praedecessoribus est sancitum« Porro ne super iure, voce, dignitate, et potestate electionis huiusmodi, nec non Principatus, et officio Archidapiferiae, et aliis praedictis vllo vnquam tempore, contingat scandala suscitari vel attemptari valeant nouitates, de regiae plenitudine potestatis, et de certa nostra scientia, omnia et singula praemissa, prout in suis clausulis, membris articulis atque punctis superius designatur, auctorizamus, nec non omnia et singula priuilegia, donationes et concessiones quasiibet, per diuos Romanos Imperatores et reges praedecessores nostros, et nos dicti Ludouici progenitoribus Comitibus Palatinis Reni, et sibi quomodolibet factas, datas et concessas, auctorizamus, approbamus, ratificamus, et tenore praesentium de certa nostra scientia confirmamus; supplentes de praefatae regiae plenitudine potestatis omnem defectum, si quis in praemissis, aut eorum aliquo, ex verborum defectu , sententiarum obscuritate , solemnitatis omissione, seu alio quouis modo nunc et in antea, reperietur admissus. Nulli ergo poenitus hominum liceat hanc nostrae pronunciationis, decreti, statuti, declarationis, sanctionis, infeudationis, et inuestitu-