Fejér, Georgius: Codex diplomaticus Hungariae ecclesiasticus ac civilis. Tomi X. Vol. 4. (Budae, 1841.)

imo verius nostri Redemptoris et pro republica inuocatis gentibus armigeris, nostri videlicet et ceterorum regnorum incolis diuersarum Nationum plurimis — — — iugiter conuocatis et aggregatis, prae ceterisqae nostris fidelibus Primatibus et subditis, eisdem Domino Joanne Archiepiscopo et Stephano filiis condam Magistri Joannis de Kanjsa cum propriis eorum geminis seu binis, ac Magnifici uiri Domini Nicolai, fratris ipsorum carnalis, Magistri Tauerniuorum nostrorum ex edicto nostro de regno Bulgariae antefacto ad ipsum regnum nostrum Hungariae pro tuitione eiusdem remeanlis, cum terlio vexillis, validis nobilium virorum militantium, praecipueque consanguineorum ipsorum armata cohorte laudabiliter insigniteque sufFultis et stipatis, vna nobiscum personaliter et potenter progredientibus aduersus et contra Turcorum et impiissimi Bayzath Imperatoris eorumdem, ac ceterorum crudelium Paganorum regni nostri et nostrorum infestorum capitaliumque inimicorum territoria et confinia regni nostri creberrime hostiliter deuastantium saeuiliam comprimendam, et feritatem elidendam, castra melati, et dum ad climata dicti regni Bulgariae, vbi ipsorum Bayzath Imperator Turcorum, et caeterorum Schismaticorum grandis coetus pullulabat, applicuissemus, fortissimisque ciuitatibus et castris Wjdinio etOrchow nuncupatis per ipsos Turcos retentis et vendicatis, per nos in brachio excelso vigorose expugnatis, et Deo adminiculante reobtentis, et nostris ditioni et dominio prorsus adnexis et subiectis, vltro — castra metati fuimus versus castrum maioris Nicapolis, ubi bellica certamina committendo , et non modicam falleratam ipsorum Turcorum cohortem armorum acumine in necis exterminium concutiendo, et stragem grandem inter ipsos immanes