Fejér, Georgius: Codex diplomaticus Hungariae ecclesiasticus ac civilis. Tomi X. Vol. 4. (Budae, 1841.)

> # LXVIII. Stephanus Episcopus Transiluaniensis Rectoratum Altaris S. Crucis dotat. A. 1402. Stephanus Dei et apostolice Sedis gracia Episc. Transiluanen. Omnibus Christi fidelibus presentibus et futuris, presens scriptum inspecturis, salutem in salutis largitore. Paterne benignitatis mansuetudo tunc stateram sui officii recto tramite dinoscitur gubernare, cum ecclesiasticorum sibi subditorum commodis et vtilitatibus moderata disposicione solicite studet inuigilare tunc enim ministri altaris dominici dulcia concinunt drugmatum (dramatum.) carmina, et diuine Trinitatis essencie pacificas pro peccaminibus populorum conferunt hostias, cum eorum status per prefati presidentis prouidenciam pio moderamine confouetur. Proinde ad vniuersorum notitiam harum serie uolumus peruerire, quod nos ob spem et deuotionem, quam in viuifica cruce Saluatoris nostri specialiter gerimus, Volentes et ex animo desiderantes Altare ad honorem et Laudem eiusdem Sancte Crucis in gremio ecclesie nostre chathedralis fundatum in suo statu decorare, et aliquantis per subseruare , vt eo magis et feruentius rector eiusdem pro tempore constitutus, in ecclesia nostra Deo iugiter possit famulari, et Deum suis precibus placare, quamdam vineam nostram inter metas ciuitatis nostre Albensis in monte E le vm al, ex parte meridiei, inter vineam cuiusdam Benedicti, carnalis, contigue adiacentem, per iudicem condam honorabilis uiri Domini Leonis Archidiaconi Albensis et Canonici Ecclesie nostre antedicte, pie memorie, ad manus nostras legitime et ex causis rationalibus deuolutam, eidem altari Sancti Cru-