Iványi Béla: Oklevéltár a Tomaj nemzetségbeli losonczi Bánffy család történetéhez. II. 1458–1526. (Budapest, 1928.)

LXXII. 1467 május 1. Buda. I. Mátyás király velenczei Bono Mózes panaszára a hevesvármegyei SzentIvány, Fokoró birtokokat, továbbá Alcsi és Szászberek felét Guthi Ország Mihály nádortól és néhai Losonczi Albert fiaitól ítéletileg elveszi és Mózesnek adja. Commissio propria domini regis. Nos Mathias dei gratia rex Hungáriáé, Dalmatiae, Croatiae etc. memoriae commendamus tenore praesentium significantes quibus expedit universis, quod cum novissime generale iudicium inter caeteros comitatus dicti regni nostri Hungáriáé etiam in comitatibus Pestiensi et Pilisiensi fieri statuissemus, inter alios causantes nobilis Moyses Bono de Venetiis durante adhuc ipso iudicio, nostrum ac praelatorum et baronum nostrorum veniens in conspectum id proponere curavit, quod quamquam ipse ex dispositione et collatione condam magnifici Ladislai de Zechen ad villám Zenth-Iwan vocatam in comitatu Heuesiensi habitam merum et perpetuum ius, item ad aliam villám Fokro apellatam, praeterea ad directas medietates quarundam aliarum villarum, videlicet Althy et Zazberek consimiliter in eodem comitatu Heuesiensi existentium, ius pignoris pro certa summa florenorum mere et legitime habuerit et habeat etiam nunc, tamen huiusmodi villae ac medietates villarum dudum videlicet ab anno cuius fere sedecima esset revolutio, a manibus suis minus iuste occupatae fuissent, et post alios iniustos detentores ipsorum bonorum per fidelem nostrum magnificum Michaelem Orzag de Gwth palatinum dicti regni nostri, ex consensu et voluntate egregii Johannis filii* sui ac condam Alberti de Lossoncz et filiorum eiusdem, contra sincerum et plénum ius ipsius Moysi etiam nunc tenerentur. Adiunxitque ipse Moyses id, quod pro requisitione et recuperatione huiusmodi iuris sui, a tempore occupationis praemissorum bonorum ex illustrissimo dominio Wenetorum in hoc regnum interdum temporibus octavarum certorum festorum, in quibus causae ex lege regni nostri generaliter discussae fuissent, interdum etiam mediis temporibus sepissime veniendo, magnas expensas et labores graves fecisset, ac non mediocra